ماشوم محبت
هارون رشید شیرزاد
وس می نه شي هغه یار غښتلی لاړو
که هر څو می ورته لار نیولی لاړو
دا د خپلی بدبختۍ به نور څه وایم
قیمتی مرغه په لاس راغلی لاړو
محبت لکه ماشوم می لویولو
له مودو نه می په ناز ساتلی لاړو
د یوی لمحی وصال یې عنایت شي
ما په خپله خله په وار غوښتلی لاړو
دا زما ددغه زړه د ګندګۍ نه
څومره ښکلی شان موجود سپیڅلی لاړو
ښکلول به می همیش ورته لاسونه
زما زړه یې په لاسو مړوړلی لاړو
خدایزده پاتی به ژوندی شی له دی وروسته
دا می زړه وو چی ښامار چیچلی لاړو
ستا د سترګو په نفرت مبتلا شوی
ستا له دره خو په مرګ وهلی لاړو
د جنوری ۱۸مه، ۲۰۱۳
کارته نو، کابل
No comments:
Post a Comment