Sunday, March 9, 2008

پوښتنه؟؟؟

پوښتنه؟؟؟

هارون رشید شیرذاد

ای پښتونه! ای پښتونه ! ای پښتونه
څو خبری لرم خلاص ده که غوږونه

زه دی ورور یم چی غلط فکر ونکړی

غصه نشی او ونه کړی ګزارونه


ته به وایي د غیرت یوه ټوټه یی

بی ګناه یی لکه پاکه پرښته یی

ته به وایی دا جهان دی د ښپو لاندی

ځکه ستا نیکونو کړي باداري ده

ته به وایی ستا ویل د کاڼي کرښه

په ډاډه زړه هر څه وایی هر څه وکړی

د غیرت خبری وایی ډیری ډیری


له مودی راهیسی فکر راسره دی

غیرت څه دی ؟ او ته څومره غیرتي یی؟

عقل څه دی ؟ او ته څومره عقلمند یی؟

پښتو څه ده؟ او ته څرنګه پښتون یی؟

ګټه څه ده ؟ او ته څومره ګټه ور یی؟

دا زور څه دی ؟ او ته څومره زورور یی؟


خبر نه یمه له کوم ځایه پیل وکړم

پدی زړه کی می بی شمیره اندیښنی دي

دی غیرت درباندی داسی چاری کړي

بی غیرته، غیرتي نه معلومیږي


په وړه وړه خبر توپک ته لاس کړی

ستا غیرت څه دی زما پښتونه وروره

بس ښکنځل ، رټل، وهل، تړل، وژل دي

عقل نلری خبری دی زده ندي

همیشه دی کډه بار له دښمنۍ وي

همیشه د ژوند خراب له غریبۍ وي


په لورګانو دی ټړلی دروازی دي

بندیوانی ستا د پوچ غیرت دلاسه

ستا لورګانی د غواګانو سره لوی شوی

ستا لورګانی د سپیاکو سره لوی شوی

شمله پورته که پښتونه

بی تعلیمه لور دی لوی کړه

یو میړه غواړي نور څه دي

خرصوه یی خرصوه یی


دهقانۍ او مزدورۍ ته دی راوړي

ستا په کور کی د ځامنوډلی ډلی

بی تعلیمه لویوی خپل اولادونه

ستا په سر کی دي د بوسو امبارونه

ای ظالمه ته په ګټه نه پوهیږی

ستا بچی به همیشه د بل نوکر وي

دروازو کی به بس اچئ سلامونه

باداري دی هیروه نور نوکرۍ ته غاړه کیږده


ته خبر نه یی پښتونه

فکر وکړه لږ سر ټیټ کړه ګریوانه کی

بس دا ستا کلي کی ولی جنګ روان دی

بس دا ته د لیونیو سپو په شانی

په ځان خولی لګوی خوری خپل اندامونه

بس دا ستا کلي کی سوځي مکتبونه

بس دا ستا ماشومان پاتی بی تعلیمه

بس دا ستا نوم تراهګر شو

بس دا ته نن وژل کیږی

بس دا ته نن رټل کیږی تړل کیږی

وه زما ساده پښتونه

ته به کله راویښیږی

د اغیارو په لاسونو کی

ډولونه وهل کیږي

او زما پښتانه ورونه په میدان ورته ګډیږي


ستا دلاسه به راتلونکی

نسل داسی خوار و زار وي

نه غیرت به وي راپاتی

نه پښتو به وي راپاتی

نه به زور وي نه به زر وي

پښتانه به ستا دلاسه

همیشه خاوری په سر وي


۷مارچ ۲۰۰۸
اتنز، اوهایو


1 comment:

Anonymous said...

Aferin pa agha moore chi ta tayee shedi darkreye di!
sta da shero kaja de Rahmanbaba sara yeoo da,

zhwandi de wayee haimsha sta ghondi pashtana.