میخانو کې ثوابونه
هارون رشید شیرذاد
دا یې هڅه وه وریادکه د پرون غلبیل وجود کړي
آیا شته دې که د ښکلو د هیندارو سترګې نشته ؟
ګیره ور مسلمانانو کې یو ځه بې ګیرې ګرځم
بس یو ځه پکې کافر شوم، ددیندارو سترګې نشته
د پوځیانو ورمیږونه مو په خپلو تورو پرې وو
د لښکرو د تکړه سپاه سالارو سترګې نشته
پاچاهانوته خطرووله بې باکو نظرونو
دا خو ځکه ددې ټولو هوښیارانو سترګې نشته
نادانان وګړي ژاړي، چاته ښایي زیړ مخونه ؟
په غوږونودي کاڼه د امرانو سترګې نشته
میخانو کې ثوابونه په ځولیو ویشل کیږي
ددې کلي په جمات کې د خمارو سترګې نشته
زړه نا زړه یی چې شیرزاد وو رخصت کړی موده مخکې
راستون شوي مسافر ته اوس په لارو سترګې نشته
۱۴مارچ ، ۲۰۰۷ اوهایو
No comments:
Post a Comment