غزل
هارون رشید شیرذاد
خدایه راپیښ کړې ښاپیرانو ته خیر
په هره لاره کې دیوان ناست دي
زما د کلي ملایان ورک شوي
په ممبرونو شیطانان ناست دي
په خپله لاسه خپله ژبه چیچم
زما په ځان ښایي پیران ناست دي
دی ګداګر اولس ته تورې ورکړۍ
په خزانو یی ښاماران ناست دي
څنګه به لری بدبختي شي له مونږ
چی مو پتاوي ته ځوانان ناست دي
د مکتبونو خونو تشی پرتی
او په کورو کی ماشومان ناست دي
ټول پلانونه خارجیان جوړوي
تش په چوکیو وزیران ناست دي
څنګه به وژاړم خپل مړي ورته
چی یي ترڅنګه قاتلان ناست دي
د اګست ۹مه نیټه، ۲۰۰۷
اتنز-اوهایو، امریکا
No comments:
Post a Comment